2019 оны 06-р сарын 20, Пүрэв гариг, 01 цаг 59 минут

Б.Нямтайширын гэр бүлийнхэн байр сууриа илэрхийлж эхлэв


Б.Нямтайширын гэр  бүлийнхэн  байр сууриа илэрхийлж эхлэв

“Mpngolian next top model” шоуны шилдэг  оролцогчдын нэг, загвар өмсөгч Ч.Чамин-Эрдэнэ  амиа хорлосон нь эцсийн байдлаар тогтоогдсон  гэж Хан-уул дүүргийн цагдаагийн газраас 2018.01.24-ний өдөр мэдэгдсэн юм.

Өөрөөр хэлбэл  талийгаачийн гэр бүлийнхний мэдэгдэж байгаа “гаднын нөлөөтэй нас  барсан” гэдгийг няцаав. Уг хэрэгт тус шоуны оролцогчдын нэг Одонтунгалаг  болон талийгч Ч.Чамин-Эрдэнийн найз залуу С.Нэмэхбаяр нарыг буруутай гэж талийгчийн  ээж болон нагац ах нь мэдэгдэж байсан билээ.

Тэгвэл  хэд хоногийн  өмнөөс Ч.Чамин-Эрдэнэ агсны нагац ах болох Ч.Гэрэлхүү “Энэ хэрэгт  УИХ-ын гишүүн Н.Номтойбаярын хүүхэд болох Н.Мөнгөншагай буруутай” хэмээн  мэдэгдэж, өөрийн facebook хаягаар Live хийгээд байсан юм. Улмаар Н.Мөнгөншагай нь  Н.Номтойбаярын хүү мөн ч, өвөө Б.Нмятайшираар овоглодог тухай зарлав. Энэ талаар УИХ-ын  гишүүн Н.Номтойбаяр “Би aдилхан дүүтэй ах хүн. Хэнийг нь танихгүй ч дүүгээ алдсанд нь өрөвдөж явтал харин хуцдаг байна шд! Цэнхэр үст болон топорын цэргүүд сэвж, сагаад л. Нямдорж сайд энэ хэргийн талаар юу болж байгааг олон нийтэд мэдээл!” хэмээн  жиргэсэн байв.  

Харин өнөөдөр Н.Номтойбаярын дүү,  МАК компанийн Ерөнхийлөгч Н.Цэлмүүн өөрийн  байр суурийг илэрхийлжээ. Тэрбээр “Зоргоороо л бичдэг, холбодог, гүтгэдэг, доромжилдог болжээ. Хүссэнээрээ сонсдог, итгэдэг болжээ. Юу гэж хэлэхэв дээ. Дэлхий дээр болж байгаа бүх муу зүйлийг бидэнтэй холбочих, амар зүгээр” хэмээн  бичжээ.

.