2019 оны 08-р сарын 26, Даваа гариг, 16 цаг 04 минут

Улаанбурхан өвчин Монголд дахин дэгдэх аюул ойрхон байна


Улаанбурхан өвчин Монголд дахин дэгдэх аюул  ойрхон байна

Улаан бурхан өвчин дэлхий даяар өргөн цар хүрээтэй тархаж байгаа талаар ДЭМБ-га анхааруулсаар байна. Зарим улс орон вакцин хийлгэсэн бичиггүй бол хилээрээ нэвтрүүлэхгүй байгаа аж.

Манайд судалгаагаар 5-20 насны 510 мянган хүн улаан бурхан өвчний дархлааны тогтолцоо сул байгаа юм. Америк, Европын орнуудад халдвар их байгаа учраас 20 оны төсөв хэлэлцэхийг хүлээлгүйгээр НҮБ-ын хүүхдийн санд хандаж 1,3 тэрбум төгрөгийн санхүүжилтээр 566 мянган хүн тун вакцин шийдүүлсэн. Мөн үйл ажиллагааны зардал болох 400 сая төгрөгийг ДЭМБ санхүүжүүллээ. Бид хүүхдүүдээ 10 хоногийн аян өрнүүлж вакцинжуулсаан. Улаан бурхан өвчний халдвар томуугаас зургаа дахин өндөр, хэрэв хүндэрвэл үхэлд хүргэдэг, суурь өвчтэй иргэд, хүүхдийн хувьд хүндрэх магадлал их, эрсдэл дагуулдгийг эмч мэргэжилтнүүд анхааруулж байна. Тиймээс хоцорсон бол ХӨСҮТөвд хандаж хүүхдүүдээ нөхөж хамруулах, өөрсдөө сайн дураараа хийлгэхийг сануулжээ.