2018 оны 09-р сарын 21, Баасан гариг, 06 цаг 59 минут

Хувьсал продакшнаас өрх тусгаарласан хоёр Ганаа-гийн шинэ бүтээл


Хувьсал  продакшнаас  өрх  тусгаарласан  хоёр  Ганаа-гийн  шинэ бүтээл

 

Улсын драмын  эрдмийн театрын  үе үеийн төлөөлөл болсон  жүжигчин гурван бүсгүй болох У.Уранчимэг,  Д.Ганцэцэг, А.Ганчимэг нар тайзны урлагаас дэлгэцийн бүтээл  рүү орохоор театраасаа өрх тусгаарласан нь саяхан.

Тэд жүжигчин У.Уранчимэгийн нөхөр, найруулагч Г.Цоггэрэлийн “Хувьсал” продакшны бүрэлдэхүүнд  багтан “Зэрлэг цэцэгсийн хүлэмж”, “Зүрхээр наадагч”, “Атганд үлдсэн эрдэнэ”... зэрэг хэд хэдэн  киног амжилттай хийсэн.

Гэвч хоёр  жилийн өмнөөс А.Ганчимэг,  Д.Ганцэцэг нар Хувьсал продакшнаас  өрх тусгаарласан билээ.

Тэгвэл Хувьсал  продакшны хийсэн  ээлжит шинэ кино дэлгэцэнд гарахад  тун дөхөж байна. Тус продакшны сүүлийн үед  хийсэн бүх кинонд гол дүр бүтээсэн жүжигчин  А.Ганчимэгийн үүргийг энэ удаа мөн л театрын залуу үеийн гол төлөөлөл болж байсан  жүжигчин О.Дөлгөөн хүлээжээ. Тэрбээр АНУ-д урлагийн чиглэлээр суралцдаг бөгөөд зуны амралтаар  ээлжит шинэ бүтээлдээ гол дүр бүтээгээд буцсан байна.

Харин хоёр Ганаа гэгддэг  жүжигчин бүсгүйчүүдийн Хувьсал  продакшнаас өрх тусгаарласнаас хойш  анхны дэлгэцийн бүтээл дэлгэцэнд тун удахгүй гарах гэж байгаа аж.

 

Б.Нарангарав